تاند (جمعه د میزان ۱۱) د اروپایي ټولنې مشرې ارزولافن درلاین په خپلو تازه څرګندونو کې ویلي، ترکیه دې په مدیترانې بحیره کې له خپلو پاروونکو اقداماتو لاس واخلي.
د ارزولافن درلاین په وینا د سمندري پولو او انرژۍ د سرچینو په تړاو له یونان سره د لانجې له امله د ترکیې اقداماتو پر وړاندې به په یاد هېواد بندیزونه ولګوي.
هغې دا خبرې نن د اروپایي ټولنې په غونډه کې د بلجیم په پلازمېنه بروکسل کې کړي دي.
د یادونې وړ ده چې د ترکیې او یونان ترمنځ سږ کال وروسته له هغه تاوتریخوالی زیات شو چې د ترکیې یوه بېړۍ د تېلو او ګازو موندلو په خاطر یوې لانجمنې سیمې ته ولاړه.