تاند(سه شنبه، د میزان ۸) د پکتیا د کرنې ریاست وایي، په دې ولایت کې ۶۰ زعفران کاران د زعفرانو، کرکېلي، پاللو، راټولولو، پروسس او بسته بندی او د زعفرانو د کرنیزو عملیاتو په برخه کې وروزل شول.
د پکتیا ولایت د کرنې رییس انجنیر محمد الدین موند وویل، چې د زعفرانو پروسس او بسته بندی د زعفرانو په کیفیت او بیه کې رغنده رول لري او زعفران کاران باید په دې برخه کې لازم مهارتونه ولري.
مومند ویلې، پکتیا د زعفرانو د کرکېلي په پار مناسبه هوا لري او په دې ولایت کې زعفران د کمیت او کیفیت له پلوه کولای شي چې، ښه حاصل ورکړي.
هغه زیاته کړه، چې د پکتیا زعفران ښه بازار هم لري.
هیره دې نه وي چې زعفران د هیواد یو له هغو بوټو څخه دی چې کم کرل کیږي مګر ارزښت یې تر نورو بوټو ډېر لوړ دی.