تاند ( شنبه، د میزان ۵) د کونړ ولایتي چارواکي وایي، چې تېره شپه د ملي امنیت ځانګړو ځواکونو په عملیاتو کې د لشکرطیبه وسله والې ډلې درې غړي وژل شوي او ۲ نور ټپیان شوي دي.
د والي ویاند عبدالغني مصمم زیاتوی دا عملیاتو تېره شپه د کونړ ولایت په اسمار ولسوالۍ کې ترسره شوي دي.
د مصمم په خبره وژل شوي او ټپیان پاکستانیان دي.
نوموړی زیاتوي، چې په عملیاتو کې امنیتي ځواکونو ته یو شمېر وسلې او مهمات هم په لاس ورغلي.
هغه زیاته کړه، چې په عملیاتو کې ولسي وګړو او امنیتي ځواکونو ته کوم زیان نه دی اوښتی.
بل لورته یادې دلې تراوسه په دې تړاو څه نه دي ویلي.