تاند — د پخواني وژل شوي ولسمشر ډاکتر نجیب الله پلویان وایي چې د لویې جرګې د خېمې مخې ته په هغې نښته کې یې چې د اسلامي حزب د مشر ګلبدین حکمتیار پلویانو سره کړې ده د هغوی کوتکونه او پکولونه نیولي دي.
د ارواښاد نجیب پلویانو غوښتل چې نن د میزان ۵مه د خپل فقید مشر ۲۴م تلین په کابل کې د لویې جرګې په خېمه کې ولمانځي خو د اسلامي حزب مشر ښاغلي حکمتیار پرون د جمعې په ورځ له خپلو پلویانو وغوښتل چې د نجیب پلویانو ته د هغه د تلین د لمانځلو اجازه ورنه کړي.
په ښاغلي حکمتیار سربېره یو شمېر نورو ډلو چې ځانونه پخواني جهادي تنظیمونه بولي په یوه اعلامیه کې له حکومت نه وغوښتل چې د ډاکتر نجیب الله پلویانو ته دې اجازه نه ورکوي چې د هغه تلین ولمانځي.
له دغو رسنیزو دعوو او دنګلو سره سره د وژل شوي ولسمشر ډاکتر نجیب الله پلویان نن د لویې جرګې د خېمې مخې ته راټول شول او غوښتل یې چې د لویې جرګې په خېمه کې د هغه تلین ولمانځي خو ویل کيږي چې یو شمېر مخالفینو یې د مخنیوي هڅې وکړې، چې په ترڅ کې یې اخ او ډب رامنځته شو، او د نجیب پلویان وایي چې د حکمتیار او نورو جهادي ډلو پلویان یې پسې واخیستل او د لویې جرګې خېمې ته ننوتل.
د نجیب مخالفین استدلال کوي چې ډاکتر نجیب د خاد د ریاست په وخت کې ډېر افغانان وژلي دي، خو پلویان یې وایي چې د حزب اسلامي، اتحاد اسلامي، جمعیت اسلامي، حزب وحدت اسلامي په شمول ډلو چې ځانونه جهادي تنظیمونه بولي په ۱۳۷۰مو کالونو کې د کورنیو جګړو پر وخت په لسګونو زره افغانان ووژل، کابل ښار یې په کنډوالو بدل او ښاریان تېښتې ته اړ کړل.
دومره تورزن نه یاست له خپل ځان سره مو پکولونه راوړی دی او وایی چی پکولونه مونیولی دی .
ډېره جالبه ده چې د ډاکتر نجیب الله له مرګه 24 کاله وروسته لاهم یو شمېر خلک د هغه له نوم نه وېره لري ، فکر کوي چې بیا راژوندی شویدی.
په مقابل کې 24 کاله وروسته د هغه پلویان او ملاتړي رالوی شوي او دهغه د هیلو د پوره کولو لپاره هڅې کوي .
د افغانانو په وژلو کې هېڅ ډلې ټپلې صرفه نده کړې . چا د اسلام تر ساتول لاندې حلال کړل او چا د ترقي او پرمختګ د مخالفینو تر نامه لاندې له دنیا تېر کړل.
کی را زور داد که ظلم نکرد؟
کی را زر داد که سود نخورد ؟
د ای اس ای غلامان دا د پردیو جاسوسان او هېواد پلورونکي دومره ډارن او بزدله دي چې د اتل شهید ډاکټر نجیب الله اړونده د یوې غونډې د جوړېدو سره مخالف او د لیدو توان یې نه لري. د دوی په سر کې د حمیدګل په لاس روزل شوی د ضیاالحق زوی ګل بېدین شتون لري چې خدای په شرمو شرمولی او خلک یې د زرهاوو افغانانو قاتل بولي. دا د پردیو جاسوس په رښتیا هم د زرهاوو هېواد پاله افغانانو په وژلو کې په پېښور کې لاس لري.