تاند، جمعه د سنبلې ۲۸مه: د روغتیا نړیوال سازمان یو ځال بیا په اروپايي هېوادونو کې د کورونا د خپرېدو خبر ورکړی دی.
یاد سازمان تازه ویلي چې کورونا ویروس یو ځل بیا په اروپا کې په زیاته کچه د خپرېدو په حال کې ده او دا باید اروپايي حکومتونو ته د خبرداري یو پیغام وي.
د روغتیا نړیوال سازمان د اروپايي څانګې مشر ډاکتر هنز کلوج په خپلو تازه څرګندونو کې ویلي، چې د کرونا چټکه خپرېدنه د هغو کسانو ترمنځ وه چې له ۲۵ کلنۍ څخه تر ۴۹ کلنۍ پورې عمرونه لري.
هغه زیاته کړې، د کورونا له زیاتوالي دا معلومېږي چې پراخو ټیسټونو ته اړیتا ده او دا یې هم ویلي چې د خبرداري تر کچې په سیمه کې د خپرېدو په حال کې ده.
نوموړي اروپايي هېوادونو ته د قرنطین د دورو لنډولو پر ضد خبرداری ورکړی او له هغوی یې غوښتي، چې د یاد ویروس د خپرېدو د مخنیوي برخه کې یو منطقي او دایمي تګلاره پلې کړي.