تاند ( جمعه، د سنبلې ۲۱) د امریکا ولسمشر ډونالډ ټرمپ ویلي، چې د بهرنیو چارو وزیر مایک پومپیو به ژر دوحې ته لاړشي او د سولې د بین الافغاني خبرو اترو پرانیستونکو مراسمو کې به ګډون وکړي.
د امريکا د بهرنیو چارو وزارت هم د بین الافغاني مذاکراتو د پیلېدو هرکلی کړی او سولې ته د رسیدو یوازینۍ لاریې خبرې اترې بللې دي.
دا په داسې حال کې ده، چې د قطر د بهرنیو چارو وزارت تېره شپه په یوه خبرپاڼه کې اعلان وکړ، چې دا هیواد به د سپټمبر په دوولسمه (شنبه) د بین الافغاني خبرو کوربه وي.
د قطر د باندنیو چارو وزارت په دې خبرپاڼه کې همداراز ویلي، چې د بېلابېلو افغان خواوو ترمنځ د سولې خبرې په افغانستان کې په ځانګړي ډول د طالبانو او امریکا ترمنځ د فبرورۍ د ۲۹ نېټې د سولې له موافقې وروسته د دایمي سولې لور ته یو مهم او جدي ګام دی.
د افغانستان د مرکچي پلاوي غړیو او طالبانو هم تایید کړې، چې د شنبې په ورځ (سپټمبر ۱۲) په قطر کې د سولې خبرې پیلېږي.
https://taand.net/%d9%82%d8%b7%d8%b1-%d9%88%d8%a7%d9%8a%d9%8a-%d8%af-%d8%b4%d9%86%d8%a8%db%90-%d9%be%d9%87-%d9%88%d8%b1%da%81-%d8%a8%d9%87-%d8%af-%d8%a7%d9%81%d8%ba%d8%a7%d9%86%d8%a7%d9%86%d9%88-%d8%aa%d8%b1%d9%85/