 پاکستان وايي، د روان مالي کال په لومړۍ میاشت کې یې افغانستان ته صادرات د تېر کال د ورته مودې په پرتله په سلو کې ۴۳ اعشاریه ۶۱ کم شوي دي.){kind=link}
تاند(سې شنبه، د سنبلې ۱۸) پاکستان وايي، د روان مالي کال په لومړۍ میاشت کې یې افغانستان ته صادرات د تېر کال د ورته مودې په پرتله په سلو کې ۴۳ اعشاریه ۶۱ کم شوي دي.
د پاکستان سټېټ بانک، چې د دغه هیواد د وارداتو او صادراتو شمېرې اعلانوي، وايي چې د سږ کال په جولای میاشت کې افغانستان ته د پاکستان ټول صادرات ۶۱ ملیونه او ۲۵۵ ډالره وو، حال دا چې د تېر کال په همدې میاشت کې ۱۰۸ ملیونه او ۶۴۲ ملیون ډالرو ته رسېدل. په دې حساب افغانستان ته د پاکستان صادرات په سلو کې ۴۳ اعشاریه ۶۱ لږ شوي دي.
په مجموع کې د روان مالي کال په لومړۍ میاشت کې نورو هیوادونو ته هم د پاکستان صادرات کم شوي دي.
د پاکستان سټېټ (مرکزي) بانک وايي نورو هیوادونو ته د پاکستان صادرات په ۲۰۱۹ کې ۲ ملیارده او ۲۱۶ ملیون ډالره وو خو د روان مالي کال په لومړۍ میاشت کې ۱ ملیارد او ۸۹۳ ملیون ډالرو ته کم شوي چې په سلو کې ۱۴ اعشاریه ۵۷ کموالی ښيي.
له بلې خوا په ورته موده کې له افغانستانه د پاکستان واردات ۴ اعشاریه ۲۱۶ ډالره وو، حال دا چې د ۲۰۱۹ په جولای کې ۹ ملیونه او ۷۵۲ ډالره وو.
د دې مطلب دا دی چې د سږ کال په جولای کې له افغانستانه د پاکستان واردات په سلو کې ۵۶ اعشاریه ۷۶ کم شوي دي.
د پاکستان له لوري د لارو بیا بیا بندول، په ځانګړي ډول کله چې د افغانستان د مېوو د صادراتو وخت وي، د دوو هیوادونو ترمنځ د راکړو ورکړو د کمېدو سبب شوي.
د دې په مقابل کې له ایران څخه د افغانستان واردات په بې ساري ډول زیات شوي دي. ایران وايي، سږ کال به یې افغانستان ته صادرات ۳ ملیارد ډالرو ته ورسېږي.
خو ګومان نه کېږي چې افغانستان ته د پاکستان صادرات یو ملیارد ډالرو ته ورسېږي.
له دې معلوميږي چې مسعود ملي قهرمان یا اتل ندی . یواځې په کابل او پروان کې یو څو محدود پیروان لري . هغوی هم د خپل مشر د مړینې ورځ په خشونت اوګډوډیو سره لمانځې چې دا د جنګ او خشونت تر ټول بې فرهنګه او ذلیله لار ده .
شهیدانو ته درناوی د ولس په زورولو ، بې امنیتي جوړولو ، وحشت خپرولو او تهدید په قیمت تمامیږي چې دا خپله یو ډول وحشت او ترهګري ده . د نړۍ په هېڅ بېرته پاتې هېواد کې داسې یو رسم او رواج نشته .