تاند(پنجشنبه، د سنبلې ۱۳) ټاکل شوې ده چې ولسمشر اشرف غني نن پروان ولایت ته لاړ شي او سېل ځپلې سیمې له نژدې وویني.
پروان یو له څو ولایتونو څخه دی چې په وروستیو کې سېل سخت ځپلی دی.
وروستیو سېلونو تر ټولو ډېرې مرګ ژوبلې په پروان ولایت کې واړولې.
د افغانستان حکومت ویلي چې سېل ځپلې سیمې به بیا ورغوي.
ولسمشر غني پتېیلې ده چې په پروان ولایت کې د سېل له کبله ویجاړ شوي تاسیسات بېرته جوړ کړي.
راپورونه وايي چې د پروان کانال یا اوبلارې د پاکولو او ترمیم چارې مخکې لا پیل شوي دي.
ولسمشر غني به نن له یو شمېر هغو خلکو سره وویني چې عزیزان یې په وروستي سېل کې مړه شوي دي.