تاند (چهارشنبه، د سنبلې ۱۲) د ننګرهار د والي ویاند عطاالله خوږیاڼی وایي د دې ولایت، شېرزادو ولسوالۍ په دوبندۍ او شرلال خېلو سیمه کې د افغان امنیتي ځواکونو او وسله والو طالبانو ترمنځ سخته جګړه شوې ده.
خوږیاڼی زیاتوي د افغان ځواکونو په ځوابیه بریدونو کې د ۵ پاکستاني اتباعو په ګډون ۱۶ طالبان وژل شوي او شپږ نور ټپیان شوي دي.
د نوموړي په خبره په دې بریدونو کې د وسله والو طالبانو یو عراده ډاډسن او یو کرولا موټر هم له منځه وړل شوي دي.
خوږیاڼی زیاتوي د یادو نښتو پر مهال یو امنیتي سرتېری وژل شوی او درې نور ټپیان شوي دي.
وسله والو طالبانو بیا تر اوسه رسنیو ته څه نه دي ویلي.