تاند( چهارشنبه، د سنبلې ۱۲) د چین د بهرنیو چارو زوارت وایي، چې په دې وروستیو ورځو کې هندي ځواکونه هغو سیمو ته اوښتي، چې د چین ارضي تمامیت ګڼل کېږي.
چینایيي چارواکو پر هند غږ کړی، چې له ورته پاروونکو اقداماتو لاس واخلي.
په هند کې د چین سفارت هم په یوه خبرپاڼه کې ویلي، چې د هند دا ډول کارونه د تاوتریخوالي د کمښت او اړیکو د ښه کولو د روحیې پر ضد دي.
سرچینې ویلي ښه به وي، چې هندي پوځیان له ورته اقداماتو لاس په سر شي.
چین ویلي که هند له دې کارونو لاس وانخلي نو د چینايي پوځ له سخت غبرګون سره به مخ شي.
دا په داسې حال کې ده، چې څه موده وړاندې هم په سرحدي سیمو د هند او چین ترمنځ ناندرۍ ولاړې شوې وې.