تاند، سه شنبه د سنبلې ۱۱مه: نن سهار وختي د پکتیا په مرکز ګردیز ښار کې د پولیسو د عامه ساتنې په ټولي چاودنه شوې او دوه ځانمرګي بریدګر ودانۍ ته ننوتي دي.
د پکتیا ولایت رسنیز دفتر په یوه خبرپاڼه کې ویلي چې تر شاوخوا لس دقیقو نښتې وروسته دواړه بریدګر د پولیسو له لوري وژل شوي دي.
خبرپاڼه زیاتوي په دې برید کې درې امنیتي سرتېري وژل شوي اوپینځه نور ټپیان دي.
د چارواکو په وینا وضعیت اوسمهال بېرته ښه شوی او سیمه د امنیتي ځواکونو په واک کې ده.
د برید مسؤلیت طالبانو منلی او د لسګونو سرتېرو د وژلو ادعا یې کړې ده.