ماديبا* لمر شو
_________
څه درواغ اورم
چي بابا مړ شو
د رنځورانو
مسيحا مړ شو
د بې کسانو
منډېلا مړ شو
د تورو سپينو
ماديبا مړ شو
اې مرګياليو!
ژوندي ژوندي وي
مړي تل مړه وي
سړي ژوندي وي
چي روح يې ويښ وي
بېخي ژوندي وي
چي ژوندپرست وي
عمري ژوندي وي
نېلسن د مينې
د دونيا لمر شو
د سولې پلار شو
د خندا لمر شو
منډېلا خاندي
افريقا لمر شو
ماديبا نه مري
ماديبا لمر شو.
***
بارکوال
٠٦ ديسمبر ٢٠١٣م کال
_________________________________________
د جنوبي افريقا خلکو نېلسن منډېلا له ناز او احترامه ماديبا باله.
سلامونه
ماډيبا يا ماديبا يې نيلسن منډيلاته ځكه ويل چې د ده قومي پرګنه په همدې نامه ياديده، د خپلو خلكو له خوا منډيلا ته د درنښت له كبله همدا نوم كاراوه لكه موږ چې كله كله وايو پلانكى ستر پښتون و
مننه