تاند (شنبه، د سنبلې ۱) امنیتي مسولان وایي، د کابل ښار په بیلابیلو برخوې کې چاودنو ۵ تنو ته مرګ ژوبله اړولې ده.
د کابل د پولیسو ویاند فردوس فرامرزوایي لومړۍ چاودنه د ۷ مې حوزې اړوند سیمه کې شوې، چې له امله یې یو تن وژل شوی او ۲ نورټپیان شوي دي.
نوموړي زیاته کړه، چې چاودنه په یوه شخصي کرولا موټر پورې نښلول شوي مقناطیسي ماین له امله شوې ده.
د فرامرز په خبره دویمه چاودنه دکابل ښار ۱۵مې حوزې اړوند د هنګريانو په سیمه کې دپولیسوپر رېنجر موټر شوې ، چې له امله یې دوه پولیس ټپيان شوي دي.
د هغه په خبره درېیمه چاودنه د کابل ښار۵مې امنیتي حوزې اړوند کمپنۍ سیمه کې شوې ، چې په خبهر یې مرګ ژوبله نه لري.
دیادونې ده، چې په دې وروستیو کې په کابل ښارکې د مقناطیسي ماینونو د چاودنې پېښې ډېرې شوې دي او جدي اندېښنې یې هم پارولې دي.
د یادو چاودنو مسوولیت تراوسه کومې وسله والې ډلې نه دی منلی.