تاند ( پنج شنبه، د اسد۳۰) د پاکستان د پنجاب ایالت په بېلابېلوسیمو کې د زیاتو ورښتونو له امله سېلابونه راوتلي دي.
د پنجاب په ایالت کې د ژغورنې ډله وايي، چې سېلابونو ۱۷ تنه مړه کړي او په زیات شمېر نور ژوبل شوي دي.
د یادې ډلې ویاند وایي، یواځې په ابراهیم کالونۍ کې د یوه زوړ کور چپ پرېوتو په پېښه کې ۴ تنه مړه شوي او ۵ نور ژوبل دي.
نوموړی وایي، دغه راز په شېخ پور سیمه کې د یوه کور د چت پرېوتو له امله ۲ تنه مړه شوي او ۷ نور ژوبل او په خبره يې په فالیا سیمه کې بیا د یوې میرمنې او ماشومانو په ګډون ۵ تنه مړه شوي دي.
د پنجاب په ایالت کې د ژغورنې ډله زیاتوي، چې د یاو پېښو سربیره د باران له امله د چکوال په سیمه کې د ډبرو سکرو په کان کې د ځمکې ښوېیدنه له امله ۳ کارکوونکي مړه او پنځه نور ژوبل شوي دي.
یاده ډله وایي دوی سیمې ته رسېدلي څو له ځپل شویو خلکو سره مرسته او لاسنیوی یې وکړي.
د دوی په خبره یو شمیر ټپيان یې روغتون ته د درملنې لپاره لیږدولي خو وایي له ټپیانو یې دوه مړه شوي او د نورو وضعیت د اندیښنې وړ دی.