تاند، چهارشنبه، د اسد ۲۹مه: زلمي خلیلزاد افغانانو ته د خپلواکۍ د بېرته ګټلو د ۱۰۱ مې کلیزې په مناسبت د مبارکۍ تر څنګ ویلي، د افغانستان د سولې پروسه یوې مهمې او هیله بښونکې مرحلې ته رسېدلې ده.
د افغان سولې لپاره د متحده ایالاتو ځانګړي استازي زلمي خلیلزاد د سولې پروسې په هکله په خپله ټوېټرپاڼه لیکلي، افغان سوله مهمې او هیله بښونکې مرحلې ته رسېدلې ده.
ښاغلی خلیلزاد زیاتوي، په داسې حال کې چې د سولې پروسې ته جدي ګواښونه متوجه دي هم مهال ورسره هیلې شته چې روانه ۴۰ کلنه جګړه د خبرو له لارې پای ته ورسېږي.
نوموړي ویلي اوس ددې وخت دی چې ژر تر ژره د افغانانو په مشرۍ او مالکیت د بین الافغاني مذاکراتو تاریخي او حیاتي پروسه پیل شي.
خلیلزاد د خپلواکۍ د ۱۰۱ کلیزې په مناسبت په خپلو پیغامونو کې د ښکیلو خواوو پر مشرانو غږ کړی چې د افغانانو او د افغانستان ګټو ته لومړیتوب ورکړي او له پخوانیو تېروتنو عبرت واخلي.
د زلمي خلیلزاد په خبره اوس ددې وخت چې ښکیل لوري د افغانستان د سولې او ثبات لپاره په ریښتیني توګه راپورته شي، چې په دې توګه به روانه ۴۰ کلنه جګړه پای ته ورسېږي.
داټول دروغ دی تراوسه هیڅ داسی هیله او امید دسولی دپاره نشته.
فکر نه کوم چې سوله راشي ځکه چې امریکا او خلیلزاد یوازی غواړي چې نوی لوبه پیل کړي او افغانان نور هم د اور په لمبو پاخه کړي که په رښتینی توګه امریکا وغواړي چې په افغانستان کې سوله راشي ډیر ژر به وسلوالي ډلې خپلی وسلي پر ځمکه کیږدي او د حکومت سر به د خبرو میز ته کینی او جګړه به پای و مومي خو بدبختانه چې مونږ د پردیو د استخباراتي جګړو د وزلوبې میدان ګرزیدلی یو .