تاند، دوشنبه، د اسد ۲۷مه: د افغانستان د ملي دفاع وزارت د یوې خبرپاڼې په خپرولو سره ویلي د کابل د شکردرې ولسوالۍ ټول کلي او سیمې یې د وسله والو له شتون څخه پاکې کړي دي.
دفاع وزارت وايي یاد عملیات افغان امنیتي او دفاعي ځواکونو تر سره کړي چې په ترڅ کې یې ۵ تنه طالبان وژل شوي او د یوه قومندان په ګډون یې ۲ تنه ټپیان شوي دي.
سرچینه زیاتوي، په یادو تر سره شویو عملیاتو کې د طالبانو ۲۵ تنه جنګیالي د ۳ سرګروپانو په ګډون چې له نورو سیمو د کابل شکردرې ولسوالۍ ته راغلي وو، ژوندي ونیول شول.
د افغانستان د دفاع وزارت وايي، په یادو عملیاتو کې ګڼ شمېر وسلې او مهمات هم د افغان ځواکونو لاسته ورغلي دي.
طالبانو تر اوسه په دې هکله رسنیو ته څه نه دي ویلي.
شکردره د کابل یو له ناامنه ولسوالیو څخه شمېرل کېږي چې وخت ناوخت ترې د ناامنیو راپورونه ورکول کېږي، په وروستۍ پېښه کې د حکومت د مرکچي ټیم غړې فوزیه کوفي هم په دغه ولسوالۍ کې په یوه وسله وال برید کې ټپي شوې وه.
آغلی فوزیه کوفي شاید و پوهیږی چه زه د کومی خوا وټکول شوم؟
آیا طالیبان دومره غښتلی دی چه د فوزیه کوفی په تګ او راتګ خبر شی؟
آیا دا به د ځینو متعصبو کړیو کار نه وی چه د شکردری کډوال وتښتوی؟