تاند(جمعه، د اسد ۲۴) د ۷۷۷ پامیر قول اردو په یوه بیان کې ویلي چې وسله والو طالبانو نن د جمعې په سهار د بدخشان ولایت په کوف ولسوالۍ کې پر افغان ځواکونو بریدونه کول.
د سرچینې په وینا ، افغان ځواکونو د برید مخه نیولې، چې په کې د نښتو پرمهال لس وسله وال طالبان وژل شوي دي.
په همدې حال کې د ملي دفاع وزارت اعلان وکړ چې وسله والو طالبانو د پنجشنبې په شپه د کندز او تخار پر لویه لاره د امنیتي او دفاعي ځواکونو پر پوستو برید وکړ.
د دې وزارت په یوې اعلامیې کې ویل شوي چې د افغان ځواکونو تر منځ په نښتو کې شپږ وسله وال وژل شوي او نهه نور ټپیان دي.
وسله والو طالبانو تر اوسه په دې اړه څه نه دي ویلي.