تاند(سه شنبه، د اسد ۲۱) د ملګرو ملتونو د ماشومان صندوق يا يونيسف وايي، له هغه وروسته چې په افغانستان او پاکستان کې د کورونا ويروس د لا خپرېدو له وېرې د پولیو واکسين کمپاين ودرول شو، په دواړو هېوادونو کې په ترتيب سره د دغه ناروغۍ افغانستان کې ۳۴ او په پاکستان کې ۶۳ پېښې ثبت شوې دي.
د يونيسف له لوري نن په خپره شوې خبرپاڼه کې راغلي، د پولیو ناروغۍ ضد واکسين کمپاين مارچ مياشت کې د ماشومانو او واکسيناتورانو د خونديتوب په موخه ودرول شو.
يونيسف ټينګار کړی چې روانه مياشت به دغه کمپاين بېرته پيل شي.
د خبرپاڼې په وینا، په نوي کمپاين کې به په دواړو هېوادونو کې ۵۰ مېلیونه ماشومان واکسين شي.
پوليسو هغه خطرناکه ناروغي ده چې اوس مهال يوازې په افغانستان او پاکستان کې شته او نوره نړۍ ترې پاکه شوې ده.