تاند- د هالنډي سندرغاړي (Duncan Laurence) سندره د ایرو وېژن د سږ کال د سندرو په مسابقه کې لومړی مقام وګوټ.
دا سندره چې (Arcade) نومېږي، تر مسابقې مخکې هم د ډېرو خوښه شوې وه.
د ایرووېژن سندرو د سیالۍ له مقرراتو سره سم به راتلونکی کال هالنډ د موسیقۍ د دې فیستوال کوربه وي.
تېره شپه د یورو وېژن د سندرو مسابقه د اسراییل په تل ابیب کې وشوه. اسراییلي سندره تېر کال د ایرووېژن د سندرو لومړی مقام ګټلی و.
دا مسابقه په درسته نړۍ کې لسګونه ملیون تنو په ژوندۍ بڼه ولیدله.
دوهم مقام د ایټالیايي او درېم د روسي سندرغاړي (Sergei Lazarev) سندرې (Scream) وګوټ.