پنجشنبه, مارچ 28, 2024
Homeروغتیاپر مازغو د فضايي سفر اغېز

پر مازغو د فضايي سفر اغېز

تاند- څېړنې ښيي چې اوږده فضايي سفرونه د انسان پر مازغو فشار راوړي.

د امریکا په نیوانګلنډ کې په دې اړه په شویو څېړنو کې ثابته شوې چې په فضا کې ډېر وخت پاتې کېدل یا اوږده فضايي سفرونه پر مازغو فشار راوړي.

د سي این این د راپور له مخې، څېړونکو فضا ته تر روانېدو مخکې او وروسته د فضانوردانو د مازغو ایم ار آی (MRI) معاینه وکړه.

په سکن کې ښکاره شوه چې له اوږده فضايي ماموریته وروسته د ډېرو فضانوردانو په مازغو کې تغییر راغلی دی.

د فلوریدا پوهنتون پروفیسر ریچل سیدار په دې اړه وايي، داسې ښکاري چې په مازغو کې د (cerebospinal) مایع زیاتېږي او د کپرۍ په پاسنۍ برخه کې بدلون راځي.

د دې مایع زیاتېدا سبب کېږي چې پر مازغو فشار راشي او د مازغو لپاره ځای کم شي.

دوی په عین حال کې وايي چې باید زیاته څېړنه وشي چې ایا دا تغییر د اوږد وخت لپاره دی او که ژر بېرته عادي حالت ته راګرځي.

LEAVE A REPLY

Please enter your comment!
Please enter your name here

- Advertisment -

ادب