د ننګرهار پرعمومي زندان تر دې دمه ۸ بریدګر وژل شوي دي

تاند ( دوشنبه، د اسد ۱۳) د ننګرهار ولایتي چارواکي وایي، د دې ولایت پر عمومې زندان تر دې دمه ۸ بریدګر د افغان امنیتي ځواکونو له لوري وژل شوي دي.

د والي ویاند عطالله خوږیاڼی زیاتوي، چې د برید پرمهال ۲۹ تنه وژل شوي او تر ۵۰ تنه نور ټپيان دي.

نوموړی وایي په وژل شویو کسانو کې د ملکیانو ترڅنګ پولیس او زندانیان هم شامل دي.

خوږیاڼی زیاتوي، چې برید لا هم دوام لري او امنیتي ځواکونه د بریدګرو د له منځه وړلو په هڅه کې دي.

د دې ولایت پر عمومي زندان تیر ماښام یو شمیر وسله والو ډله ییز برید وکړ  او  لاهم دوام لري.

د افغانستان د پوځ لوی درستیز هم دې برید کې د افغان ځواکونو د عملیاتو د رهبرۍ لپاره جلال اباد ښار ته رسیدلی دی.

https://taand.net/%d8%af-%d8%a7%d9%81%d8%ba%d8%a7%d9%86-%d9%be%d9%88%da%81-%d9%84%d9%88%db%8c-%d8%af%d8%b1%d8%b3%d8%aa%db%8c%d8%b2-%db%8c%d8%a7%d8%b3%db%8c%d9%86-%d8%b6%db%8c%d8%a7-%d8%ac%d9%84%d8%a7%d9%84-%d8%a7%d8%a8/

د ننګرهار دولایت ویاند وایي، د برید پرمهال له زندان نه یوشمیر زندانیان هم تښتیدلي دي خو په خبره یې د تښتیدلو زندانیانو کره راقام په لاس کې نه لري.

https://taand.net/%d8%ad%d8%a7%d9%85%d8%af%da%a9%d8%b1%d8%b2%d9%8a-%d8%af-%d9%86%d9%86%da%ab%d8%b1%d9%87%d8%a7%d8%b1%d9%be%d8%b1%d8%b9%d9%85%d9%88%d9%85%d9%8a-%d8%b2%d9%86%d8%af%d8%a7%d9%86-%d9%88%d8%b3%d9%84%d9%87/

وسله والو طالبانو په دې برید کې لاس لرل رد کړي خو داعش وسله والو بیا د دې برید مسولیت منلی دی.

https://taand.net/%d8%af%d8%a7%d8%b9%d8%b4-%d8%af-%d9%86%d9%86%da%ab%d8%b1%d9%87%d8%a7%d8%b1-%d9%be%d8%b1-%d9%85%d8%ad%d8%a8%d8%b3-%d8%af-%d8%ad%d9%85%d9%84%db%90-%d9%85%d8%b3%d9%88%d9%88%d9%84%db%8c%d8%aa-%d9%88%d9%85/