تاند( جمعه، د اسد ۱۰) د ننګرهار ولایت امنیتي چارواکي وايي د دې ولایت په روداتو ولسوالۍ کې د دوو کورنیو ترمنځ په خپلمنځي نښته کې ۵ تنو ته مرګ ژوبله اوښتې ده.
د روداتو ولسوالۍ امنیه قوماندان سمونوال جلیل احمد لغمانی وایي، پېښه نن سهار شاوخوا لس بجې رامنځته شوې، چې له امله یې د دواړو خواو ته درې تنه وژل شوي او دوه نور ټپيان دي.
سرچینه وایي یاده نښته کې دننګرهارولایتي شورا پخواني غړي لعل محمد دراني ورور الماس هم ټپي شوی دی.
لغمانی زياتوي، چې نښته په یوه حقوقي موضوع رامنځته شوې او د پېښې د عاملینو د نیولو هڅې رواني دي.