تاند- یوې امریکايي فضايي سفینې یا فضابېړۍ د مځکې په مدار کې ۶۷۷ ورځې تېرې کړې او په دې توګه یې په مدار کې د ډېر وخت تېرولو ریکارډ مات کړ.
تر دې وړاندې بله فضابېړۍ دومره وخت د مځکې په مدار کې نه ده پاتې شوې.
(X-37B) فضايي بېړۍ، چې په (OTV4) هم مشهوره ده، د روانې اوونۍ د شنبې په ورځ د مځکې په مدار کې ۶۷۷ ورځې بشپړې کړې.
تر دې وړاندې د مځکې په مدار کې تر ټولو اوږد ریکارډ ۶۷۴ ورځې و چې (OTV3) فضايي بېړۍ ټینګ کړی و.
OTV4 فضايي بېړۍ د ۲۰۱۲ له دسمبره د ۲۰۱۴ تر اکتوبره پوري د مځکې په مدار کې وه.
(X-37B) فضايي بیړۍ د ۲۰۱۵ م کال د مارچ په شلمه د امریکا د پوځ له لوري فضا ته واستول شوه.
د دې فضايي بيړۍ د ماموریت یا اصلي هدف په اړه ډېر څه نه دي ویل شوي.