تاند- اوس په نړۍ کې د ټولو انسانانو په سلو کې ۴۰ انترنیټ لري، خو په ۱۹۹۵ کې یوازې یو فیصد انترنیټ ته لاسرسی درلود.
د انترنیټ تر ټولو زیات کاروونکي په اسیا کې دي ځکه چې د دې لویې وچې نفوس زیات دی. ورپسې امریکا او اروپا دي.
د امریکا په متحدو ایالتونو کې ۸۸ اعشاریه ۵ خلک انترنیټ کاروي.
په افغانستان کې ۲ ملیونه ۲۷۹ زره ۱۶۷ تنه یعني ۶ اعشاریه ۸ فیصده وګړي انترنیټ کاروي.
خو په چین کې د ۲۰۱۶ کال تر پایه پوري د انترنیټ د کاروونکو شمېر ۷۳۱ ملیون تنو ته ورسېد.
په دې اساس د دغه هیواد تر نیمايي لږ ډېر وګړي د انترنیټ له شبکې کار اخلي.
د چین لېري کلیو ته انترنیټ رسېدلی او له همدې کبله په دغه هیواد کې، چې اوس د نړۍ دوهم ستر اقتصاد دی، انترنیټ زیات خپور شوی دی.
خو له دې سره سره لا هم له امریکا، کاناډا او دغه راز ډېرو اروپايي هیوادونو سره د پرتلې نه دی.
په چین کې ۴ ملیونه ۸لکه ۲۰ زره ویبپاڼې فعالې دي.
د چینایانو اکثریت، یعني ۶۵۹ ملیونه له انترنیټ څخه په موبایل ټېلفون کې کار اخلي.