تاند ( چهارشنبه، د اسد ۱) په کابل کې د امریکا د سفارت شارژدافیر وایي د امریکا خصوصي سکتور باید د افغانستان په اقتصادي پرمختګ کې پوره ونډه واخلي.
راس ویلسن زیاته کړه، چې د امریکایي سوداګرو له یوې ټولنې سره یې په افغانستان کې د سولې د روانې پروسې په تړاو خبرې کړې دي.
نوموړی وایي د افغانستان د سولې لپاره هڅې پيل شوې دي او په خبره یې د دې وخت دی، چې د جګړې تر پای ته رسېدو وروسته نړیوال په افغانستان کې پانګونه وکړي.
هغه ویلي د امریکا خصوصي سکتور هم کولی شي په افغانستان کې د پانګونې او فعالیت له لارې د دغه هېواد په پرمختګ، اقتصادي وده او انکشاف کې مرسته وکړي.
د اقتصادي چارو پوهان وايي، د افغانستان اقتصادي وده سره له دې، چې جګړه هم ورځ تربلې تودیږي بیاهم مخ پر ودې روان دی او هڅې ورته ګړندۍ شوي دي.