تاند (چهارشنبه، د اسد ۱) د هند حکومت پرېکړه کړې چې ۷۰۰ افغان هنداوانو او سیکانو ته دایمي وېزې ورکوي.
د هندي رسنیو خبر ورکړی چې د هند حکومت هغه اداري مراحل بشپړ کړي چې له مخې به یې نږدې ۷۰۰ افغان سیکانو او هندوانو ته دایمي ویزې ورکول کېږي.
د هند حکومت وايي ځکه یې ۷۰۰ هندوانو او سیکانو ته دایمي وېزې ورکړي چې په افغانستان کې د پاکستان ملاتړ کوونکو ترهګرو له لوري سیکانو او هندوانو ته ګواښونه کیږي.
د هند حکومت دغه پرېکړه وروسته تر هغې کړې چې تر دې وړاندې یې هم ویلي و، چې د افغانستان سیکان او هندوان کولی شي په هند کې د تابعیت او اوسېدو غوښتنه وکړي.
هند دغه څرګندونې په داسې مهال کړي چې په دې وروستیو کې افغانستان کې پر دغو لږکیو بریدونه زیات شوي او وخت ناوخت ورته د مرګ او اختطاف ګوښونه کېږي.
دغه لږکي وايي د هغوی چې وس شوی د اروپا په ګډون ډیری نورو هېوادونو ته تللي خو کوم چې پاتي، په ټولنه کې د نورو خلکو له خوا توهین کېږي او داسې احساس ورکول کېږي چې دوی افغانان نه دي او هند ته دې لاړ شي.