تاند (سه شنبه، د سرطان ۳۱) د پاکستان حکومت د سوداګرۍ د پراختیا لپاره له افغانستان سره مهمه غونډه وکړه.
د راپورونو له مخې د خیبر پښتونخوا اعلی وزیر د پاکستان پارلمان ته وربلل شوی او له هغه یې غوښتي چې له افغانستان سره د سوداګرۍ د اسانتیا لپاره ټول شته امکانات په کار واچوي.
په یاده غونډه کې د افغانستان لپاره د پاکستان ځانګړي استازي محمد صادق، د سرحدونو د چارو مسؤلینو، د سوداګرۍ چارو مسؤلینو او ګڼو نورو چارواکو ګډون کړی و.
د غونډې له ګډونوالو غوښتل شوي چې ژر تر ژره دې له افغانستان سره روانه سوداګري پراخه کړي او بندرونه دې خلاص وساتل شي.
پاکستاني چارواکو دا هم ویلي چې د نوو بندرونو پر ایجاد دې هم فکر وشي.
دوی دغه راز ټینګار کړی چې له افغان حکومت سره دې د سوداګرۍ د پراختیا په برخه کې خبرې او ناستې ډېرې شي.
په ورته مهال افغان سوداګر وایي اوس هم له پاکستان سره د سوداګرۍ په برخه کې ګڼې ستونزې لري او د پاکستان په خاوره کې یې په خوراکي او نورو توکو بار زرګونه موټر ایسار دي.
د کورونا په منځته راتګ سره د افغانستان او پاکستان تر منځ سوداګري ډېره زیانمنه شوه چې سوداګرو ته سخت تاوانونه واوختل.
نور بندرونه دي ددوی سر وخوري، اول دي دا شته بندورنه سم فعال کړي.