تاند (سه شنبه، د سرطان ۳۱) د امریکا د راتلونکو ولسمشریزو ټاکنو مخکښ نوماند جوبایډن وايي واک ته د رسېدو په لومړۍ ورځ پر مسلمانو د ټرمپ له لوري وضع شوي بندیزونه لرې کوي.
بایډن دغه خبرې د امریکا د بېلابېلو ایالتونو له مسلمانانو سره د ويډیو کنفرانس له لارې کړي دي.
ښاغلي بایډن زیاته کړې ټرمپ په غیر قانوني ډول د ځینو مسلمانو هېوادونو پر وګړو د ورتګ بندیز لګولي دي، چې د واک په لومړۍ ورځ به د ټرمپ دغه فرمان لغوه کړي.
نوموړي ویلي امریکا به یو ځل بیا پیاوړې کوي او نړیوال باور به یې بېرته راګرځوي.
ټرمپ واک ته له رسېدو سره سم د ځینو هېوادونو وګړو ته د وېزې په ورکړه کې سختي راوسته او د ایران، یمن، سوریې، اندونیزیا او ځینو نورو هېوادونو پر وګړو یې امریکا ته د تګ بندیز ولګاوه.