تاند (جمعه، د سرطان ۲۷) پاکستان د ډیورنډ په فرضي کرښه د دوهمې دروازې تر نصبولو وروسته د افغانستان خاوره کې د کانونو په استخراج لاس پورې کړی دی.
د ننګرهار ولایت د دوربابا ولسوالۍ اوسېدونکي وايي، پاکستان د څڅوبي کنډو په زرۍ سیمه کې دوه نیم کیلو متره د ډيورنډ له فرضي کرښې وړاندې د افغانستان په خاوره کې د قیمتي ډبرو د کانونو په کیندلو کار پیل کړی دی.
له سیمې څخه د څڅوبي قریې قومي مشر حاجي فرمان ګل تاند سره په خبرو کې وویل پاکستاني لوري نه یواځې د کانونو په استخراج لاس پورې کړی؛ بلکې هغه اوبه چې د افغانستان په خاوره کې بهېدلې او د افغانانو ملکیت دی پاکستان لورته تاو کړي دي.
دغه قومي مشر زیاته کړه دوی د څڅوبي کنډو په سیمه کې له ډېرو ستونزو سره مخامخ دي چې یوه یې د سرک نشتوالي مسئله ده.
هغه له ننګرهار ولایتي ادارې او افغان حکومت وغوښتل چې ددوی ستونزو ته لاسرسی وکړي او قانوني غوښتنې یې ورته پوره کړي.
په ورته مهال د ننګرهار ولایتي شورا غړي د ننګرهار په دوربابا ولسوالۍ کې د پاکستان د تحرکاتو په وړاندې د حکومت چوپتیا ته اندېښمن دي او وايي داسې ښکاري چې افغان حکومت پر ډیورنډ کرښه له پاکستان سره معامله کړې ده.
په همدې حال کې د پاکستان پوځ وايي د ډيورنډ پر کرښه یې د دوهمې دروازې لګولو مسئله له افغان حکومت سره حل کړې ده.
د پوځ ددې ادعا په اړه تر اوسه پوره معلومات نشته چې پاکستاني لوري سره په کوم شکل دغه ستونزه حل شوې ده.
د افغانستان د دفاع وزارت پرون وویل چې په ننګرها ولایت کې د پاکستان له خوا د نوې دروازې کېنول د دواړو هېوادونو تر منځ د شوې موافقې خلاف عمل دی.
دفاع وزرات وايي ددې ستونزې د مخنیوي لپاره به له هرې ممکنې لارې کار واخلي.
باید وویل شي چې تر دې مخکې هم پاکستاني ځواکونو د ډیورنډ کرښې په اوږدو کې ګڼ تحرکات تر سره کړي خو حکومت یې پر وړاندې غبرګون نه دی ښودلی.
څه شو هغه مجاهدین څه شول چې په افغان ملت یې جهادونه کول؟ ایا د چا په ناموس د کفر یا مسلمان تیری فرق لري؟ نه! نو څه شو مسلمان او مجاهد؟ بل داچې طالبجان څه شو او عکسالعمل یې؟
دا دولت د فاحشې نه څه کم نه دی
هیڅ یو کار یې د غیرت سره سم نه دی
ماته مه کوه صفت د جهادونو
تر دې پورته غم خو کله هم غم نه دی
د بابر او د کرنیل امام میرمنو
دا جهاد مو کم تر مار او لړم نه دی
د جهاد ثمره دا ده، وطن خرڅ شو
چې صفت یې کړي مقعد دی څه فم نه دی