تاند ( دوشنبه، د سرطان ۱۵) د سعودي چارواکو د سږني حج د مراسمو لپاره تازه او نوي تدابیراعلان کړل.
سږني حج کې به خلک کعبه شریفې ته لاس نه ور وړي او دغه راز په د حج مراسمو کې ګډونوال حاجیان به یو نیم متر فاصله مراعتوي.
د سعودي چارواکو د کورونا ویروس له امله په لومړیو کې د حج مراسم وځنډول خو په وروستۍ پرېکړه کې وویلې، چې د کرونا ویروس د تدابیرو له امله به سږ کال د حج عبادت او فریضې د ادا کولو په خاطر په عربستان کې د میشتو خلکو نه پرته به بهرني حاجیان قبول نکړي.
هر کال څه باندې دوه میلیونه تنه حاجیان د حج په مراسمو کې د ګډون لپاره سعودي عربستان ته سفر کوي خو سږکال د فرضي حج سربیره سعودي چارواکو دکورونا ویروس له امله د حج عمرې مراسم هم ځنډولي دي.
د افغانستان او ټولې اسلامي نړۍ مشرانو ته یو وړاندیز
په خواشینۍ سره سږکال د کورونا د وبا له امله د اسلام د مقدس دین د پنځم رکن یعنې د حج مراسم د نورو کلونو په څېر نشي ادا کېدلی او یواځې د سعودي عربستان اتباع به پدې مراسمو کې ګډون کوي .
د اسلامي هېوادونو مشران ،خصوصا چې د دوی هېوادونه د مختلفو دلایلو له امله په شخړو ، لانجو او جګړو کې اخته دي ، باید له دې فرصت نه استفاده وکړي او سږکال یواځې د هغوی مشران دې د خپلو ولسونو او ملتونو په استازیتوب هلته شرکت وکړي ، په ضمن کې د حج د فریضې د اداکولو ترڅنګ دې په ډېر اخلاص او صداقت سره دخپلو هېوادوالو لپاره د سولې او آرامي د راتلو لپاره په مکه معظمه او مدینه منوره کې د سعودي عربستان د پاچا په منځګړیتوب سره خبرې وکړي او د ستونزو د حل لپاره دې صادقانه تصامیم ونیسي ، انشاءالله د دوی ټولې ګناوې به عفو او د بېرته راستنېدو سره به د ولس له خوا د سولې او ملي اتلانو په څېر استقبال شي .