تاند ( شنبه ، د سرطان ۱۴) افغان او پاکستاني چارواکو په تورخم ښارګوټي کې د دواړو هېوادونو ترمنځ د سوداګرۍ په پراختیا خبرې کړي دي.
سوداګر وایي اوسمهال د دوی سوداګري د تورخم له لاري له ډیرو ستونزو سره مخ ده.
په پاکستان کې افغان سفیر شکرالله عاطف وايي دوی په دې ناسته کې له پاکستاني چارواکو سره د تورخم پر لار د شته ستونزو پر هواري هم خبرې کړي او په دې هڅه کې دي، چې د تورخم پر لاره سوداګري لا پراخه کړي.
مشعل زیاته کړه چې دوی په دې ناسته کې دواړو لورو د سوداګرۍ په پراختیا، د افغان ملي سوداګرو پر وړاندې په پرتو ستونزو، په سوداګریزه برخه کې د ګډې همغږۍ رامنځته کولو او یو شمېر نورو موضوعاتو په اړه هم خبرې کړې دي.
بل لورته سوداګر وایي له دې وړاندې هم د دوی پر ستونزو ډيرې ناستې شوي خو پایله یې نه ده لرلې.
دوی هیله لري، چې بیا ځلې پاکستان له دې لارې د سیاسي فشار په توګه ګټه پورته نه کړي.