تاند (جمعه، د سرطان ۱۳) د جرمني د (Chemnitz) ښار پولیس وايي، یو افغان ماشوم نن په دغه ښار کې په پلاستیکي مرمۍ ووژل شو.
پولیس وايي، دوی په دې اړه څېړنې کوي چې ایا دا پېښه په قصدي انګېزه شوې او که تصادف وه. اوس دا قضیه د پولیسو ځانګړې څانګې ته وړل شوې چې وګوري ایا په دې پېښه کې سیاسي انګېزه وه او که نه.
پولیسو تر دې دمه د مشکوک کس، چې پر ماشوم یې ډز کړی، هویت نه دی څرګند کړی.
د ماشوم په اړه ویل شوي چې ۱۰ کلن دی. او ګومان کېږي چې د بادي توپک په وسیله په پلاستیکي مرمۍ ویشتل شوی دی.