تاند ( پنج شنبه، د سرطان ۱۲) ـ د ننګرهار ولایت په خوږیاڼو ولسوالۍ کې تېره شپه وسله والو طالبانو د سرحدي پولیسو پر پوستو بریدونه کړي.
د ولایت ویاند عطاالله خوږیاڼی وایي، په دې بریدونو کې ۲ سرحدي پولیس وژل شوي او ۹ نور ټپيان شوي دي.
خوږیاڼي زیاته کړه د سرحدي پولیسو په ځوابیه برید کې وسله والو طالبانو ته هم درنه مرګ ژوبله اوښتې ده خو به خبره یې چې طالبانو ته د اوښتي تلفاتو کره جزیات په لاس نه لري.
بل لورته وسله والو طالبانو تراوسه د دې بریدونو په اړه څه نه دي ویلي.
د ننګرهار خوږیاڼو له ولسوالۍ څخه وخت نا وخته د دا ډول بریدونو خبرونه خپریږي او خلک یې په یو شمیر سیمو کې د نا امنۍ خبره کوي.