تاند، شنبه، د سرطان ۷مه: د عامې روغتیا وزارت وايي، پهتیرو ۲۴ ساعتونو د هیواد په ۱۳ ولایتونو کې د کورونا ویروس۱۶۵ مثبتې پېښې ثبت شوي دي.
روغتیا وزارت نن شنبه ویلي چې د تېرې ورځې راپدېخوا د کورونا ویروس د ۵۲۹ مشکوکو سمپلونو معاینات شوي چې۱۶۵ یې مثبت او پاتې منفي ثابت شوي.
د یاد وزارت د رسمي معلوماتو په اساس په دې سره په افغانستان کې په کورونا ویروس د اخته کسانو شمېر ۳۰۶۱۶ تنو ته لوړ شو.
له یادو پېښو څخه ۲۷ په هرات، ۱۹ کندهار، ۷ بلخ، ۳۴ پکتیا، ۷ ننګرهار،۲۱غزني،۱۰ خوست، ۷ لغمان،۴هلمند، ۱ سمنګان،۱۷ پکتیکا،۳ ارزګان او ۸ په نورستان ولایت کې ثبت شوي دي.
د روغتیا وزارت په نننیو معلوماتو کې په تیرو ۲۴ ساعتونو کې په کابل ولایت کې د کورونا ویروس د مثبتې پېښې ثبتېدو راپور نه دی ورکړل شوی.
د افغانستان روغتیا وزارت ویلي چې په تیره یوه شپه او ورځ کې شپږو ولایتونو پکتیا، خوست، بدخشان، هلمند، سمنګان او ارزګان ولایتونو کې د کورونا ویروس له امله۲۰تنه مړه شوي دي.
په دې سره په افغانستان کې د کورونا ویروس له امله د ټولو مړوو شوو کسانو شمېر۷۰۳ تنو ته لوړ شو.
همدارنګه ۳۶۸ تنه نور بیرته روغ شوي چې دې سره هم د ټولو بیرته جوړو شوو کسانو شمېر ۱۰۶۷۴ تنو ته ورسېد.
په افغانستان کې د کرونا ویروس لومړۍ مثبته پېښه هم په دغه ولایت کې ثبته شوه.
د نړیوالو معلوماتو په اساس د نن شنبې تر غرمې پورې په نړۍ کې ۴۹۴۳۷۴تنه د یاد ویروس له امله مړه شوي او نژدې لس میلیونه نور پرې اخته شوي دي.
په سیاست کی درواغ،فساد کی درواغ،په قتل کی درواغ،غلامی نه منل،اوس کرونا په پیښو کی هم درواغ؟
دری برخی کابل کرونا نیولی دی.وینتالاتورونه مو په پاکستان وپلورل،بیا هم د مسلمانی،افغانیت اداګانی کوی،