تاند، چهارشنبه، د جوزا ۱۴مه: لویه څارنوالي وايي، د جمهوریت روغتون پنځه چارواکي د اداري فساد او اختلاس په تور ورپېژندل شوي دي.
د لویې څارنوالۍ ویاند جمشېد رسولي وايي، د جمهوریت روغتون پنځه چارواکي او ځینې مسوولان د اداري فساد په تور ورپېژندل شوي او قضیه یې تر څېړنې لاندې ده.
نوموړی له تاند سره په خبرو کې مني چې د جمهوریت روغتون رئیس او د دغه روغتون ځينې کارکوونکي د عامې روغتیا وزارت له خوا د اداري فساد په تور لویې څارنوالۍ ته معرفي شوي دي او دوسیه یې د لویې څارنوالۍ تر څېړنې او تحقیق لاندې ده: (( د جمهوریت روغتون رئیس محمد الله علیشینګي، اداري مدیر امین الله عمرخېل، د خدمتونو مدیر بشیر احمد، د دغه روغتون د یوې برخې مدیر سردار محمد لویې څارنوالۍ ته ورپېژندل شوي دي.))
بلخوا ویل کیږي چې دا کسان فیروز الدین فیروز څارنوالۍ ته معرفي کړي وو خو رییس یې د عامې روغتیا وزارت مرستیال بشیر نورمل، د جمهوریت روغتون پخوانی رئیس یو ځل بیا د دغه روغتون چارسمبالی رئیس ټاکلی دی.
تاند ته یوه سرچینه د نوم نه ښودلو په شرط وايي، د عامې روغتیا پخواني وزیر د جمهوریت روغتون رئیس او څلور تنه نور چارواکي د دغه روغتون د تېلو د اختلاس په تور څارنوالۍ ته معرفي کړي وو او د دغه روغتون سرطبیب یې د سرپرست په توګه معرفي کړی دی.
سندونه د دې ښودنه کوي چې د عامې روغتیا وزارت د ۱۳۹۲ کال څخه د ۱۳۹۸ کال تر پایه د جمهوریت روغتون د مرکز ګرمیو د تېلو د لګښت د څرنګوالي په اړه پلاوی وګوماره او د دغه پلاوي له څېړنو وروسته د عامې روغتیا وزارت پخواني وزیر فېروز الدین فېروز، د جمهوریت روغتون رئیس محمد الله علیشینګي، اداري مدیر امین الله عمر خېل، د خدمتونو مدیر بشیر احمد، د دغه روغتون د یوې برخې مدیر سردار محمد لویې څارنوالۍ ته معرفي کړي دي او لیکلي دي چې د دغې مسئلې تر روښانه کېدو یې حاضرۍ په عامې روغتیا وزارت کې لاسلیک کړئ.
خو دا چې د اداري فساد په تور ګوښه شوی رئیس څنګه بیا سرپرست ټاکل کېږي، په اړه یې پوښتنې راپورته شوې دي.
بشير نورمل په صحت عامه کی هغه يوازینی شخص دی چې له فساده پاک او له هیڅ چا سره د فساد لار نه نیسي!
یوازی تور لګول دا معنی نه لری چی علیشنګی محکوم دی. د محکمی له فیصلی د مخه تورن مبرا دی! او د عادی شخص حق لری!!!!!!!!!!!!!!!!!!!!!!! د بشیر نورمل خدمات تر یو وزیر ډیر دی. بشیر نورمل له هر ډول تبعیض مبرا شخص دی. نوموړی د فیروز استاد او په وزارت کط تر تولو معزز شخص دی. زه ورته له خدایه د ډیر عمر او لا زیاتو خدمتونو هیله لرم!
بشیر نورمل هغه شخص دی چی د دیو معین او ریس په صفت نه بلکه د خبلو همکارانو د پلار حیثیت یې ساتلی. دبشیر نورمل خدمات د وزارت د ظرفیت لوړولو د پاره د طالبانو په وخت کې د ارواښاد پوهاند غضنفر تر رهبری لاندی یې وزارت په علمی ظرفیتونو سمبال کړ او کله یې هم چاته چاپلوسي و نه کړه او په حلاله با افتخاره ژوند وکړ!
په نورمل پسې مه غږیږئ. خدای داسې خلک ډیر کړي
خدای دی یې راته ډیر ژوندی لري!!!!!!!!!!!!!!!!!!!!!!!!!!!!!!!!!!!!!!!