تاند، پنجشنبه، د جوزا ۸ مه: د غزني ولایتي چارواکي وايي تېره ورځ ماسپښین مهال د دې ولایت مالستان ولسوالۍ په غيغانتو سیمه کې د یوه غره د ښویدلو له امله ۳ کسان وژل شوي دي.
د غزني ولایت د والي ویاند وحید الله جمعه زاده تاند ته وویل چې یاد غره ته د سیمي د اوسیدونکو کورونه هم نیږدې وو چې یادو ۳ کسانو له ډلي یو يې د جانبود ښوونځي مدیر و او دوه نور چې په سیمه کې په کار بوخت وو: (( د غره د ښویدو له امله درې واړه وژل شوي دي.))
د غره د ښودیو سیمي ته نیږدې د سیمي د اوسیدونکو ۲ دوه بابه کورونه هم تخریب شوي چې نور چاته پکې زیان ندی رسیدلی.
افغانستان کې تر ډېره داسې پېښې د ژمي په موسم کې رامنځته کېږي، چې یو شمېر ولایتونو کې د ډېر ورښت له امله دا ډول پېښې رامنځته کېږي او خلکو ته د مالي زیان ترڅنک ځاني زیان هم اړوي.