تاند- دوو فرانسوي ماشومانو د کورونا وایرس د قرنطین په موده کې د یو لک یورو په ارزښت سره زر وموندل.
د فرانسې د رسنیو د راپور له مخې، دغو ماشومانو، چې عمرونه یې د لسو کلونو شاوخوا دي، سره زر هغه مهال وموندل چې مور و پلار یې د کورنۍ د یوه مشر د لیدو لپاره د فرانسې ویندوم ښار ته تللي وو.
د ماشومانو پلار کور ته له رارسېدو وروسته غوښتل په کور کې تعمیراتي کار وکړي. ماشومانو د سروزرو ټوټې ورښکاره کړې چې که د پلار په کار کې په درد خوري.
د ماشومانو پلار له لیدو سره سم فکر وکړ چې دا به د ده د مور د چاړې انتیک پوښ وي خو کله چې ورته ځیر شو چې د هرې ټوټې وزن یو کیلو ګرام ته رسېږي نو یې د سیمې د لیلامونو مرکز ته خبر ورکړ.
ټاکل شوې ده چې د سرو زرو دا ټوټې د جون په ۱۶ مه په څه باندې یولک یورو وپلورل شي.