تاند (چهارشنبه، د تلې/ میزان لومړۍ) افغان امنیتي او دفاعي ځواکونو پر کونړ او پکتیکا د پاکستان د هوايي یرغل په ځواب کې تېره شپه (سې شنبه) پر پاکستاني پوستو ځوابي بریدونه وکړل.
په خپرو شویو ویډیوګانو کې ښکاري چې د پاکستان له پوستو لوخړې او لوګي اسمان ته پورته کېږي.
له بلې خوا د پاکستان پوځ ادعا کړې چې ګواکي د افغانستان له خاورې د خیبر پښتونخوا د کورمې ولسوالۍ پر لور د وسلهوالو د اوښتو هڅه یې شنډه کړې ده.
د پاکستان «ډان» ورځپاڼې د سېشنبې په ورځ ناوخته د امنیتي سرچینو په حواله راپور ورکړی چې وسلهوالو غوښتل د افغانستان د ننګرهار او پکتیا ولایتونو له لوري د کورمې له لارې پاکستان ته داخل شي. سرچینو دغه کسان د پاکستاني طالبانو غړي بللي دي خو په عین حال کې یې ویلي چې افغان امنیتي ځواکونو یې ملاتړ کړی دی.
د پاکستاني رسنۍ د راپور له مخې، د دغه هیواد امنیتي ځواکونو د وسلهوالو د اوښتو هڅه کشف کړې او مخه یې نیولې ده. ډان د خپل هیواد د امنیتي سرچینو په قول همداراز ویلي، له دې وروسته د افغانستان طالبانو د پاکستان پر سرحدي پوستو ډزې پیل کړې، چې پاکستان بېموجه او پاروونکی اقدام بللی دی.
دغو سرچینو زیاته کړې چې په ځواب کې پاکستاني ځواکونو د طالبانو څو سرحدي پوستې او دفاعي ځایونه په سپکو او درنو وسلو په نښه کړي دي. د هغوی په وینا، د دغو بریدونو له امله یو شمېر طالب ځواکونه له خپلو پوستو شاتګ ته اړ شوي دي. سرچینو ویلي چې امنیتي ځواکونه د پولې وضعیت په دوامدار ډول څاري او هر ډول احتمالي برید ته چمتو دي.
وروسته له دې چې د پاکستان هوايي ځواک په کونړ او پکتیکا کې د خلکو پر کورونو او شتمنیو هوايي بریدونه وکړل او په ترڅ کې یې په کونړ کې لږترلږه ۳ تنه ملکیان ووژل شول، د افغانستان امنیتي چارواکو وویل چې د دې بریدونو غچ به واخلي.
د پاکستان امنیتي ځواکونو ته په وروستیو ورځو کې د دغه هیواد د حکومت وسله والو مخالفانو هم په بنو کې او هم په بلوچستان کې سختې مرګ ژوبلې اړولي دي.
دا افغان امنیتي ځواکونه، دا کار ډیر ښه دی. چې ځواب د شپې ورکوي. چې نن څوک پرې خبر شي او نه یې هم دا پټه ولګیږي چې جنګ په کومه سیمه کې دی. درواغ وايي، قسم دی چې زرګرې جګړه ده. په شاخوا پینځه کاله یې کې یو هغه لوړ پوری چارواکی طالب په نښه نه کړ چې د پاکستاني طالبانو ملاتړ کوي. نه هم طالبانو د پاکستاني نظامی کړۍ یو هغه څوک په نښه کړ چې په افغانستان د بریدونو امر ورکوي. حتی تر اوسه طالبانو ته دا معلومه نه شوه چې د دې کړۍ مشران څوک دي. که یې د یوه کس نوم هم واخیست زه به لوی پور ورکوم.ب
دا ویډیو زړه نده؟ ماته خو پخوانی ښکاری. بله دا چی دا جنګونه ته به وایی چی فقط د پښتنو د وژلو لپاره پلان شوی. په دواړو خواوو کی پښتانه بیځایه کیږی او وژل کیږی ـ آی اس آی وایی زه به دلته د جنګونو پروګرام جوړه وم او بیا به هاخوا پر پښتنو بمبارد کوو، بیا یی تاسی هم د غچ په پلمه وټکوی ـ کچیری طالبان غچ اخلی بیا دی د اټک پله هاخوا بمبارد وکړی ـ
یو کس یا یو هیواد چی پر بل کس یا هیواد وسله وال تجاوز کوی نو طبعاً متجاوز کس یا هیواد دښمن ګڼل کیږی، پدی حساب پاکستان د افغانستان پټ او علنی دښمن دی.
امّا
د مسئلی ډراماټیک اړخ دا دی چی هیڅ افغان د پاکستان د دښمنانه تجاوزونو په وړاندی د اعتراض او غندنی حق نلری ( البته دا حق ئی د حاکم طالب لخوا غصب شوی دی ).
د پاکستان د تجاوزونو په وړاندی د طالب د لباسی او نرم او ریاکارانه احتجاجی او اعتراضی غبرګون د لحن او ادبیاتو د کیفیت او په خارج کی د طالب د خواخوږو د لحن او ادبیاتو د کیفیت تر منځ هیڅ ډول توپیر نه سترګو کیږی.