تاند / چهارشنبه د وږي ـ سنبلې ۲۵مه/ افغانستان کې د طالبانو د حکومت د کار او ټولنیزو چارو وزارت د ۱۴۰۵ لمریز کال د تلې له لومړۍ څخه د کب تر نههویشتمې د دولتي ادارو د کارکوونکو کاري ساعتونه تنظیم کړي دي.
د یاد وزارت د خبرتیا له مخې؛ له شنبې څخه تر چارشنبې به کاري وخت د سهار له ۸:۳۰ څخه د ماسپښین تر ۳:۳۰ پورې وي او د غرمې له ۱۲ بجو څخه تر ۱:۰۰ پورې د لمانځه او ډوډۍ لپاره یو ساعت وخت په پام کې نیول شوی دی.
دغه راز د پنجشنبې پر ورځ به کاري وخت د سهار له ۸:۳۰ څخه د ماسپښین تر ۱:۳۰ پورې وي.
یاد وزارت په خبرتیا کې چې نن یې خپره کړې زیاته کړې چې؛ د روژې مبارکې میاشتې کاري وختونه به پر خپل وخت اعلان شي.
سرچینې ویلي چې، تولیدي او خدماتي ادارې، دایمي فعالې برخې، نشراتي، روغتیايي او د پوهنې او لوړو زدهکړو اړوند ادارې دې د خپلو کاري شرایطو او مقرراتو په پام کې نیولو سره کاري ساعتونه تنظیم کړي.