تاند (سې شنبه، د وږي/ سنبلې ۱۰ مه) د هند د اترپردېش ایالت د ګورکپور ولسوالۍ د رېلګاډي په یوه تمځي کې له یوه روان رېلګاډي څخه د بانکنوټونو د غورځېدو له امله عجیبه پېښه شوې ده.
د هندي رسنیو د راپورونو له مخې، پېښه سهار مهال د پیپي ګنج په رېلګاډي تمځي کې هغه وخت رامنځته شوه چې له ګورکپور څخه ممبۍ ته روان ایکسپرس اورګاډی له تمځي څخه تېرېده.
په رېلګاډي کې یوې ناپېژندل شوي سپرلۍ د ۵۰۰-۵۰۰ هندي روپیو له بانکنوټونو ډکه پلاستیکي کڅوړه ښکته وغورځوله. کڅوړه له لوېدو سره پرانیستل شوه او بانکنوټونه باد هرې خوا ته تیتاو خپاره کړل.
د بانکنوټونو په لیدلو په تمځي کې خلکو د پیسو راټولولو ته منډې کړې او هر چا چې څومره بانکنوټونه ترلاسه کړل، له ځان سره یې یووړل.
د رېللارې ادارې د سرچینو په وینا، اټکل کېږي چې د رېلګاډي د نه درېدو له امله سپرلۍ غوښتل پیسې خپل یوه پېژندګلوي ته ورسوي، خو تر اوسه هغه کس نه دی پېژندل شوی چې بانکنوټونه یې له رېلګاډي څخه غورځولي دي.
شك خه نه دى خو موته غل بريحي.
بس خه كار يي كرى.