تاند (پنجشنبه د چنګاښ/سرطان ۱۸مه) د افغانستان د کرکټ ملي لوبډلې ستوري او پخواني لوبغاړي شاپور ځدراڼ جنازه نن «پنجشنبه، چنګاښ ۱۸مه» لس نیمې بجې د کابل په عیدګاه مسجد کې اداء شوه.
د نوموړي د جنازې په مراسمو کې د کرکټ د ملي لوبغاړو او مسوولانو ترڅنګ زرګونه هیوادوالو ګډون کړی وو.
شاپور ځدران تر جنازې وروسته د کابل په مرنجان تپه کې چې، تاریځي ځای بلل کېږي خاورو ته وسپارل شو.
د نوموړي جناز پرون مازدیګر څلور بجې له هنده کابل ته راوړل شوه چې،د کرکټ د ملي لوبډلې ګڼ شمېر اوسني او پخواني لوبغاړي په کابل هوايي ډګر کې د شاپور ځدراڼ جنازې ته په تمه وو.
باید وویل شي چې شاپور ځدراڼ له تېرو څو میاشتو راهیسې د هند په یوه روغتون کې بستر و او تېره شپه یې د ورپېښې ناروغې له امله ساه ورکړه.
د شاپور په مړینې د کرکټ د نړېوالې شورا مشر جې شاه په ګډون بېلابېلو نړیوالو لوبغاړو خپله خواشیني څرګنده کړې ده.
ټولو شاپور ځدران د افغانستان د کرکټ لپاره یوه لویه ضایع بللې ده.