تاند (چهارشنبه د چنګاښ/سرطان ۱۷مه) د افغانستان د کرکټ ملي لوبډلې ستوري او پخواني لوبغاړي شاپور ځدراڼ جنازه نن «چهارشنبه، چنګاښ ۱۷مه» مازدیګر څلور بجې له هنده کابل ته راورسېده.
د کرکټ د ملي لوبډلې ګڼ شمېر اوسني او پخواني لوبغاړي په کابل هوايي ډګر کې د شاپور ځدراڼ جنازې ته په تمه وو.
ټاکل شوې د نوموړي جنازه سبا لس بجې د کابل په عیدګاه جومات کې ادا او وروسته په «مرنجان» تپه کې خاورو ته وسپارل شي.
باید وویل شي چې شاپور ځدراڼ له تېرو څو میاشتو راهیسې د هند په یوه روغتون کې بستر و او تېره شپه یې د ورپېښې ناروغې له امله ساه ورکړه.
د شاپور په مړینې د کرکټ د نړېوالې شورا مشر جې شاه په ګډون بېلابېلو نړیوالو لوبغاړو خپله خواشیني څرګنده کړې ده.
ټولو شاپور ځدران د افغانستان د کرکټ لپاره یوه لویه ضایع بللې ده.