تاند (پنجشنبه د چنګاښ/سرطان ۱۱مه) د رسنیو د راپورونو له مخې افغانستان کې د طالبانو د حکومت د ریاستالوزراء اقتصادي مرستیال، ملا عبدالغني برادر نن (پنجشنبه) د ایران د مذهبي مشر، ایتالله علي خامنهيي په جنازه کې د ګډون په موخه ایران ته ځي.
په دې اړه نور جزییات نه دي ورکړ شوي.
ملابرادر داسې مهال ایران ته ځي چې، دمګړۍ تهران د ایران علي خامنهیي د جنازې مراسمو ته چمتووالی نیسي.
تسنیم خبري آژانس په تهران کې د ایران د پخواني رهبر علي خامنهيي د جنازې د مراسمو د ترسره کولو لپاره د ځای د چمتووالي انځورونه خپاره کړي دي.
په دغو انځورونو کې باروړونکي موټر، جرثقیلونه او د تهران د لوی جومات په انګړ کې یو لوی سټېج ښکاري.
رسنۍ وایي دا هغه ځای، چې ټاکل شوې د جنازې د مراسمو یوه برخه په کې ترسره شي.
علي خامنه یي د ایران او اسرائیلو ـ امریکا ترمنځ په روانه جګړه کې په لومړي سر کې د هوایي برید ښکار شو.