تاند (پنجشنبه د چنګاښ/سرطان ۱۱مه) د ایران او افغانستان د ګډې سوداګرۍ خونې پلاوی د اقتصادي او سوداګریزو همکاریو د پراختیا لپاره کابل ته راورسېد.
په کابل کې د ایران سفارت دغه خبر خپور کړی دی.
یاد سفارت زیاته کړې؛ ټاکل شوې دغه پلاوی د افغانستان د صنعت او کانونو د اوونۍ په پېنځم نندارتون کې ګډون وکړي او د تخصصي غونډو او د سوداګرو ترمنځ د مخامخ سوداګریزو ناستو (B2B) برخه هم وګرځي.
د اقتصادي چارو کارپوهان باور لري چې د ایران او افغانستان د ګډې سوداګرۍ خونې د پلاوي سفر د دواړو هېوادونو ترمنځ د اقتصادي اړیکو د پراختیا لپاره یو مهم ګام بلل کېږي.
د دوی په اند، دا ډول لیدنې د سوداګرو ترمنځ د اړیکو پیاوړتیا، د پانګونې د فرصتونو پېژندنې او د دوه اړخیزې سوداګرۍ د پراختیا لپاره مناسب فرصتونه برابروي.
کارپوهان همداراز وایي، که دواړه هېوادونه د سوداګرۍ پر وړاندې موجود خنډونه، د بانکي راکړې ورکړې ستونزې، د ټرانزیټ محدودیتونه او د ویزو اړوند خنډونه کم کړي، نو د سوداګرۍ کچه به لا لوړه شي.
د دوی په باور، د خصوصي سکټور ترمنځ دوامداره همکاري او د ګډو اقتصادي پروژو پلي کېدل نه یوازې د دواړو هېوادونو اقتصاد پیاوړی کوي، بلکې د سیمې د اقتصادي اتصال او ثبات په ټینګښت کې هم مهم رول لري.
د ایران حکومت د افغانستان سره چندان صادق ندی، دوی ولی د افغانستان حکومت په رسمیت نه پیژنی؟ ولی؟