تاند (پنجشنبه د چنګاښ/سرطان ۱۱مه) د افغانستان د غېږنیونې غوره لیګ لومړي پړاو لپاره د غوراوي سیالۍ پيل شوې.
دغه سیالۍ د کابل او د هېواد د بېلابېلو ولایتونو د ۲۰ لوبډلو په ګډون د کابل د بدني روزنې په ۲۵۰۰ کسیز ورزشي لوبغالي کې پیل شوې.
مسوولان وایي، د سیالیو په پای کې به اته غوره لوبډلې د افغانستان د غېږنیونې غوره لیګ لومړي پړاو ته لار ومومي.
په یادو سیالیو کې به د غیږنیونې لوبغاړي د لویانو په بېلابېلو وزني کټګورۍ کې د درېیو ورځو لپاه یو د بل پر وړاندې لوبه وکړي.
د مسوولانو د مالوماتو له مخې د یاد پروګرام له مخې؛ د افغانستان د غېږنیونې غوره لیګ لومړی پړاو به د ۱۴۰۵کال (د زمري په ۳مه) د شنبې په ورځ د اتو غوره لوبډلو په ګډون پیل شي.