تاند (شنبه د غبرګولي/ جوزا ۳۰مه) د افغانستان کرکټ بورډ د کورنۍ کرکټ د سترو سیالیو ( شپږیزه کرکټ لیګ) د پيل نېټه، ځای او لوبډلو په تړاو په یوه خبري کنفرانس کې مالومات وړاندې کړل.
کرکټ بورډ وایي، دا سیالۍ د جولای میاشتې لومړۍ نېټه سوېل ختیځ خوست ولایت کې پیل او د همدې میاشتې تر ۱۴مې نېټې پورې به دوام وکړي.
دا د شپږیزه لیګ یوولسم پړاو دی او لومړی ځل دی چې، له کابله د باندې ترسره کېږي.
په دې لیګ کې هم د تېر په څېر ۵ لوبډلې ګډون لري چې، راشد خان د سپین غر، رحمان الله ګربز د مېس عینک، حشمت الله شهیدي د بندامیر، عظمت الله عمرزی د امو او ابراهیم ځدراڼ د بست ساتونکو لوبډلې لوبډلمشري وکړي.
کرکټ بورډ وایي چې، نوین الحق، شرف الدین اشرف او ضياء الرحمان اکبر ژوبل دي او په شپږیزه لیګ کې نه لوبېږي.
د لوبډلو نوملړونه دا دي:
