تاند (جمعه، د غبرګولي/ حوزا ۲۲ مه) د کابل د پولیسو ویاند خالد ځدراڼ تایید کړې چې یوه کس د کابل ښار په شپږمه امنیتي حوزه کې خپل موټر د نجونو پر یوې ډلې ورروان کړی او څو تنه یې ټپیانې کړې دي.
ځدراڼ ویلي چې درې ښځې په دې پېښه کې ټپیانې شوې دي، روغتون ته لېږدول شوې او روغتیايي وضعیت یې د ډاډ وړ دی. د هغه په وینا، د پېښې عامل پېژندل شوی او د نیولو هڅې یې روانې دي.
د پولیسو ویاند نه دي ویلي چې د پېښې عامل څوک دی او ولې تر اوسه نه دی نیول شوی یا یې د دې کار، چې قصدي ښکاري، انګېزه څه وه.
د راپورونو له مخې، دا پېښه د جوزا په ۱۷مه هغه مهال وشوه چې یو سپین رنګ لېنډکروزر موټر د سړک پر غاړه روانو ښځې او نجونې ووهلې. سرچینو ویلي چې موټر نمبرپلېټ نه درلود او ښیښې یې تورې وې.
د دې بوږنوونکې پېښې ودیډو په خواله رسنیو کې په پراخه پیمانه خپره شوې ده.
طالبان ورځ تر بلی د ولس د نفرت سبب ګرځی. په هرات کی د هغوی چلند له ښځو سره ټول هراتی ولس په غصه کړی دی. دوی په خپل لاس خپله ورکه برابره وی. د طالب چلند ولس سره انسانی ندی او نه هم دوی د انسانیت په مفهوم پوهیږی ـ انشاءالله ډیر زر به ورک شی.
یقین دی چی دغه سړی ټولو پیژندلی هر څوک پوهیږی چی څوک دی