تاند ( دوشنبه د غبرګولي ـ جوزا ۱۸مه) د امریکا ولسمشر، ډانلډ ټرمپ پر خپلې خواله رسنۍ «ټروت سوشیل» له ایران او اسراییلو غوښتي چې «سمدستي پر یو بل بریدونه ودروي».
دا غوښتنه داسې مهال شوې چې د دواړو هېوادونو ترمنځ د توغندیزو او هوايي بریدونو نوی پړاو پیل شوی دی.
دې بریدونو د سیمې د لا پراخې ناامنۍ اندېښنې زیاتې کړې دي.
تر دې وړاندې هم د امریکا ولسمشر ډانلډ ټرمپ ویلي وو چې، د اسراییل له لومړي وزیر بنیامین نتنیاهو سره به خبرې وکړي او له هغه به وغواړي چې د ایران د بریدونو په غبرګون کې اقدام ونه کړي.
ټرمپ له فاکس نیوز سره په خبرو کې زیاته کړې وه چې، د ایران دغه بریدونه پر مذاکراتو منفي اغېز کوي او له تهران یې غوښتي چې بېرته د خبرو مېز ته را وګرځي.
ایران تازه پر بېروت د اوربند سربېره د اسراییل د بریدونو په غبرګون کې د اسراییل پر لور توغندي توغولي دي.