تاند (پنچشنبه، د غبرګولي/ جوزا ۷ مه) روسیې او د افغانستان د طالبانو حکومت د چهارشنبې په ورځ مسکو ته څېرمه په یوه فورم کې د پوځي ـ تخنیکي همکاریو یو تړون لاسلیک کړ.
د iStories د راپور له مخې، دا ډول تړونونه معمولاً د وسلو، جوازونو او پوځي ټکنالوژۍ د لېږد ترڅنګ د ګډو پوځي پرمختیايي پروژو برخه هم رانغاړي.
د مې په ۲۷مه، د روسیې د امنیت شورا منشي سرګی شویګو د طالبانو له دفاع وزیر ملامحمدیعقوب مجاهد سره ولیدل.
روسیه هغه لومړنی هېواد و چې په ۲۰۲۱ کال کې، له افغانستانه د امریکايي ځواکونو تر وتلو وروسته، یې د طالبانو حکومت په رسمیت وپېژاند.
دفاع وزیر ملامحمد یعقوب مجاهد د سېشنبې په ورځ مسکو ته لاړ چې د روسیې له لوري جوړ شوي نړیوال امنیتي کنفرانس کې ګډون وکړي.
دفاع وزارت په یوه خبرپاڼه کې ویلي چې په دې غونډه کې به د سیمې او نړۍ د بېلابېلو هېوادونو امنیتي او دفاعي چارواکي ګډون ولري، خو د یعقوب مجاهد د سفر د اجنډا او احتمالي لیدنو په اړه یې نور جزئیات نه دي ورکړي.
ملایعقوب مجاهد په یوه نړیواله غونډه کې د ګډون لپاره مسکو ته لاړ