تاند، سه شنبه، د جوزا ۶مه: د هرات په چشت ولسوالۍ کې درې ماشومان وروڼه ګازو نیولي او مړه کړي یې دي.
د هرات د والي ویاند جیلاني فرهاد پېښه تاییدوي او وايي، دغو ماشومانو د حمام د ګرمولو لپاره ګاز چالان کړی و چې هملته ګازو نیولي او مړه شوي دي.
د فرهاد په خبره دغه ماشومان له ۱۰ نه تر ۱۵ کلونو پورې عمرونه لري او مړي یې پرون دوشنبه خاورو ته سپارل شوي دي.
د ګازو د نیولو پېښې په ژمي کې ډېرې وي، خو دا په دوبي کې نادره پېښه ده چې رامنځته کېږي.